Kapiteni i Kosovës, Amir Rrahmani do të jetë i gatshëm për ndeshjen e radhës të Napolit, të cilën e luan të martën mbrëma kundër Qarabagut në Ligën e Kampionëve.
Rrahmani ishte titullar në fitoren 3:1 ndaj Atalantas, por u zëvendësua në pjesën e dytë pas një përplasjeje me kundërshtarin.
Fillimisht, u mendua se bëhej fjalë për ndonjë lëndim serioz por u kuptua se Rrahmani ishte zëvendësuar për shkak lodhjes dhe ngarkesës së ndeshjeve që ka pasur kohët e fundit.
Se nuk bëhet fjalë për lëndim, e ka konfirmuar edhe vet Rrahmani, i cili ka reaguar me një postim në rrjetet sociale.
“Është kaq bukur kur kthehesh dhe fiton, do të shihemi të martën në Maradona,” ka shkruar Rrahmani.
Duhet kujtuar se Rrahmani mungoi për një muaj shkaku i lëndimit në fillim të këtij sezoni, duke i munguar si Napolit ashtu edhe Kombëtares së Kosovës.
