Tre persona janë përfshirë në një rrahje në Podujevë, ku janë përdorë edhe armë zjarri dhe mjete të forta bujqësore.
Sipas PK-së në këtë rast janë arrestuar tre personat ku njëri nga ta ka pësuar lëndime dhe po trajtohet në QKUK.
Një nga të dyshuarit është dërguar në mbajtje e tjetri është liruar në procedurë të rregullt.
“Janë arrestuar tre të dyshuar meshkuj kosovarë pasi që të njëjtit janë përleshur fizikisht në mes vete. Gjatë përleshjes të dyshuarit kanë përdorur një armë zjarri dhe një mjet të mprehtë bujqësor. Si pasojë njëri nga të dyshuarit ka pësuar lëndime trupore dhe i njëjti është dërguar për tretman mjekësor ne QKUK. Në vendin e ngjarjes në cilësi të provave materiale janë konfiskuar një armë zjarri, pesë fishekë, një gëzhojë dhe një mjet punues bujqësor”, thuhet në raportin e PK-së.
Me vendim të prokurorit një i dyshuar dërgohet në mbajtje, një lirohet në procedurë të rregullt ndërsa i dyshuari i tretë mbetet në QKUK për tretman mjekësor.