Një femër dhe dy meshkuj kanë kërkuar trajtim mjekësor pasi janë lënduar rëndë gjatë një përleshjeje në Han të Elezit.
Sipas raportit 24-orësh të Policisë së Kosovës, incidenti ka ndodhur pas një mosmarrëveshjeje, ku tre personat dyshohet se janë përleshur mes vete duke përdorur mjete të forta dhe të mprehta.
Të lënduarit janë dërguar në Qendrën Klinike Universitare të Kosovës (QKUK) për trajtim mjekësor.
Pas intervistimit nga Policia, dy të dyshuar meshkuj janë arrestuar dhe, me vendim të prokurorit, janë dërguar në mbajtje.
“Është raportuar se një femër dhe dy meshkuj kosovarë kanë kërkuar tretman mjekësor pasi që, pas një mosmarrëveshje, janë rrahur mes veti me mjete të forta dhe të mprehta. Të lënduarit janë dërguar në QKUK për tretman mjekësor. Pas intervistimit, me vendim të prokurorit, dy të dyshuarit meshkuj kosovarë janë dërguar në mbajtje”, thuhet në raportin e Policisë./teve1.info/
