Ylli i dikurshëm anglez, Wayne Rooney, insiston kapiteni i Sunderlandit, Granit Xhaka, është “transferimi më i mirë i sezonit në Premier League”.
Sulmuesi ikonik i Manchester Unitedit ka dhënë këtë vlerësim pasi Xhaka e udhëhoqi Sunderlandin drejt fitores në derbin e zjarrtë ndaj Neëcastle Unitedit.
Në fakt ishte vetëm edhe një paraqitje tjetër impresive për Xhakën, të cilin Rooney e ka vlerësuar lartë, sërish.
Duke folur në “The Wayne Rooney Podcast”, legjenda angleze tha se në fillim të sezonit është frikësuar për Sunderlandin por pastaj shtoi se pronari dhe trajneri kanë bërë një punë të detajuar.
“Xhaka duhet të jetë transferimi i stinorit. Ai ishte gjithnjë lojtar i mirë. Kam menduar se duke shkuar në Sunderland do të vuajë dhe nuk do të jetë transferim i mirë, por ai ishte i jashtëzakonshëm. Është aftësia e tij për të diktuar lojtarët dhe për të qetësuar lojën. Ai ishte brilant”, ka theksuar Rooney.
Shumë ish-futbollistë dhe ekspertë të njohur në Angli kanë vlerësuar lart Xhakën, i cili u transferua te Sunderlandi nga Bayer Leverkuseni.
