Cristiano Ronaldo do të largohet përfundimisht nga Manchester Unitedi, ka njoftuar “The Telegraph”, të martën.
Cristiano Ronaldo mund të arrijë dëshirën e tij dhe të largohet nga Manchester United në janar nëse gjigantët e Premier League marrin një ofertë të mire për shërbimet e tij.
Mësohet se krerët e Unitedit kanë vendosur ta nxjerrin në shitje Ronaldon në afatin kalimtar të janarit. Ai këtë edicion nuk bën pjesë në planet e trajnerit Erik ten Hag, i cili ka dhënë dritën e gjelbër për largimin e portugezit në fillim të vitit të ardhshëm.
Portugezi këtë edicion ka luajtur vetëm 80 minuta në Premier League dhe është i dëshpëruar të largohet nga klubi, të cilit iu bashkua vitin e shkuar. 37-vjeçari ka kontratë deri në fund të këtij sezoni me opsionin e rinovimin edhe për një vit tjetër, ndërsa kartoni i tij vlerësohet 20 milionë euro.
Ten Hag tha se ai nuk e solli Ronaldon në lojë “për respekt” për 37-vjeçarin duke pasur parasysh natyrën poshtëruese të humbjes në atë moment.
Ndërsa legjenda e “Djajëve të Kuq” Ish-kapiteni i Manchester United, Roy Keane, megjithatë pretendoi se klubi në të vërtetë po tregonte “mosrespekt” në trajtimin e tij ndaj Ronaldos duke shtuar se ata duhej ta linin të lir në merkaton verore.
