Cristiano Ronaldo ka lëshuar deklaratën që ka tronditur botën e futbollit, duke pranuar se sezoni aktual mund të jetë i fundit i karrierës së tij si futbollist.
Në një intervistë për Vogue, ylli portugez 40-vjeçar foli hapur për të ardhmen dhe planet që ka për jetën pas futbollit.
Ronaldo zbuloi se tashmë e ka menduar atë që do të bëjë pas tërheqjes, edhe pse ende nuk ka vendosur të fokusohet vetëm në një aktivitet.
“Ky mund të jetë viti im i fundit në botën e futbollit dhe dua të lë një trashëgimi të madhe”, deklaroi Ronaldo.
Kapiteni i Al-Nassr pranoi se largimi nga futbolli do të krijonte një boshllëk të madh në jetën e tij, ndaj planifikon ta mbushë atë me aktivitete të ndryshme.
“Dua të kënaqem më shumë, të udhëtoj më shumë, të shikoj dhe të luaj padel, të cilin e dua”, tha pesë herë fituesi i Topit të Artë.
Ronaldo gjithashtu kujtoi 25 vitet e karrierës së tij, të mbushura me sakrifica, stërvitje dhe gara në nivelet më të larta të futbollit.
Por deklarata e tij për një tërheqje të mundshme e ka bërë edhe më të madhe pyetjen që tifozët kanë prej vitesh: Kur do të vijë fundi i një prej karrierave më të jashtëzakonshme në historinë e futbollit?
Nëse ky vërtet është sezoni i fundit, bota e futbollit mund të jetë duke parë kapitullin e fundit të një legjende që ka shënuar një epokë
