Sulmuesi i krahut, Hakim Ziyech, do të largohet te Chelsea për t’u transferuar në Itali, te skuadra e Romës.
“Daily Mail” ka njoftuar të enjten se Chelsea ka pranuar ofertën e ekipit italian për futbollistin maroken, i cili nuk bën pjesë në planet e trajnerit Graham Potter.
Mësohet se Roma ka ofruar mbi 20 milionë euro për Ziyechun, të cilin e sheh si zëvendësim ideal për Nicolo Zaniolon, pasi italiani do të shitet gjatë këtij muaji. Ziyech është pjesë e Chelseat prej vitit 2020, kur iu bashkua nga Ajaxi, por nuk ka bindur me paraqitjet e tij. Këtë sezon ai ka vetëm një asistim në 15 paraqitje në të gjitha garat për Chelsean, ekip me të cilin ka kontratë deri në vitin 2025.
