Ambasadori i Gjermanisë, Jorn Rohde deklaroi se shteti i tij mbetet i përkushtuar për ta anëtarësuar Kosovën në KiE sa më parë.
Pas një takimi me përfaqësues të organizatave joqeveritare IKD dhe FOL me të cilët tha se foli për përmirësimin e qasjes në drejtësi në përputhje me standardet e KiE, Rohde tha se anëtarësimi në këtë organizatë nuk do të ndodhë pa ecur përpara me Asociacionin e komunave me shumicë serbe.
“Për ta forcuar sundimin e ligjit dhe për t’u përgatitur Kosova për Këshillin e Europës ne do ta mbështesim projektin e përbashkët të Institutit të Kosovës për Drejtësi/FOL për ta përmirësuar qasjen në drejtësi në përputhje me standardet e KiE. Gjermania mbetet e përkushtuar për ta futur Kosovën në Këshill sa më shpejt. Ecja përpara me Asociacionin do ta bëjë këtë të ndodhë”, shkroi Rohde në “X”.
To strengthen the rule of law and prepare 🇽🇰 for @coe we will support Kosovo Law Institute’s/FOL’s joint project to improve access to justice in line with @coe standards. 🇩🇪 remains committed to bringing 🇽🇰 into the Council asap. Moving forward with ASMM will make this happen. pic.twitter.com/BfK3U4OxVw
— Ambassador Jörn Rohde (@GermanAmbKOS) June 3, 2024