Rizvanolli ka thënë se Kosova është me fat që ka një diasporë që kontribuon në zhvillimin e vendit, përcjell teve1.info
“Republika e Kosovës është fat që ka një Diasporë që jep kontribut të çmueshëm për zhvillimin ekonomik e social të vendit, e që ka një potencial të madh të shkathtësive e përvojës profesionale në të gjitha fushat. Si kudo në vizitat tjera, më gëzuan e ishin mbresëlënëse takimet me kaq shumë shqiptarë të suksesshëm që janë të motivuar për të sjellur përvojën e tyre në institucione e ndërmarrje publike, e për të investuar në Kosovë. Kjo foto është shkrepur gjatë takimit me Shoqatën e inxhinierëve shqiptarë të Zvicrës (AES) të organizuar në Ambasadën e 🇽🇰 në 🇨🇭, me të cilët u dakorduam që të fillojmë bashkëpunimin në në një mori temash si arsimi dual, energjia, transporti hekurudhor e zhvillimi i Trepçës”, ka shkruar ajo në Facebook.
Ministrja Rizvanolli bëri të ditur se ka marrë edhe buqetën më të veçantë të luleve ndonjëherë, pasi ishte dhuratë në shenjë falënderimi nga Klubi Basketbollistik Elita nga Bujanoci “për përkrahjen për këtë klub nga Qeveria e 🇽🇰, dhe me rastin e paraqitjes së tyre të suksesshme në Turneun e Beogradit duke shënuar fitore ndaj klubit Zvezda të këtij qyteti”. /Teve1.info/
