Ministrja e Ekonomisë, Artane Rizvanolli, ka thënë se gjatë vitit 2022 janë konfiskuar mbi 600 pajisje për mihje të kriptovalutave , me ç’rast kjo ka ndikuar në kursimin e 1 milion eurove.
Gjatë periudhës së vitit të kaluar, Rizvanolli, deklaroi se është ndaluar përdorimi i energjisë elektrike për mihje të kriptovalutave, aktivitet ky që sipas saj, zhvillohen në ekonominë e hirtë, raporton teve1.info.
“Mendoj që ka pasur efekt në të gjithë vendin, përfshirë këtu edhe në komunat në veri të Kosovës, ku janë konfiskuar mbi 600 pajisje në tetë ferma të kriptovalutave, të cilat gjatë vitit të kaluar janë shkatërruar në veri nga Policia e Kosovës në bashkëpunimin me Doganën e Kosovës dhe akterët tjerë”, kështu tha ministrja gjatë raportimin për punën e Ministrisë në vitin 2022 dhe planin e punës për vitin 2023, në Komisionin për Ekonomi.
Sipas ministres, kjo ka bërë që konsumi i energjisë në komunat e veriut të ulët në disa përqindje.
“Kjo i ka kursyer Kosovës mbi 1 milionë euro, çdo vit në kursimin e energjisë dhe së bashku me luftën ndaj fermave të drogës dhe aktiviteteve tjera ilegale në veri kemi pasur ulje të konsumit të energjisë, përderisa viteve të kaluara kemi pasur rritje prej 14 për qind për çdo vit”, ka thënë Rizvanolli.
