Ministrja në detyrë e Ekonomisë, Artane Rizvanolli ka thënë se raportimet në media për sakrificë dhe ndalje të blloqeve në KEK për shkak të investimeve janë keq cituar dhe keqkuptuar.
Ajo ka thënë se ministri po bëjnë përpjekje që KEK të ofrojë siguri për qytetarët.
Ndërsa, sa i përket investimeve në blloqet e KEK-ut ka thënë se janë duke planifikuar kohën më të përshtatshme
“Ne si ministri po sigurohemi që KEK të ofrojë bilancin energjetik më të favorshëm për konsumatorët për sivjet duke optimizuar kohën e investimeve të domosdoshme në blloqe”, ka thënë ajo në një video të postuar në Facebook.
Rizvanolli të mërkurën tha se po bëjnë investime të KEK që nuk janë bërë që 40 vjet e që sipas saj do të rrisin prodhimin por edhe jetëgjatësinë e termocentraleve.
Sa i përket kërkesës së operatorëve për rritje të tarifave të energjisë, ajo ka thënë se nuk mund t’i komentojnë, por do të dalin me qëndrim kur ZRrE do ta publikojë raportin./teve1.info/
