Ministrja e Ekonomisë, Artane Rizvnolli, ka reaguar pas shkatërrimit të tre laboratorëve të drogës në veri të Mitrovicës.
Ajo ka shkruar në Twitter se biznesi i bandave kriminale në atë pjesë të vendit po lulëzon dhe kjo është arsyeja se pse po refuzohet të paguhet energjia elektrike.
Sipas saj, faturimin e energjisë elektriket po e kundërshtojnë bandat kriminale dhe jo qytetarët.
“Kjo është arsyeja pse faturimi dhe pagesa e energjisë elektrike në komunat veriore kundërshtohet, jo nga qytetarët tanë atje, por nga bandat kriminale, biznesi i paligjshëm i të cilave po lulëzon me këtë energji elektrike të vjedhur dhe që janë (të lidhura me) strukturat e kontrolluara nga Serbia dhe trajtohen si heronj në Serbi”, ka shkruar ajo në Twitter.
Policia e Kosovës në një aksion antidrogë në veri ka shkatërruar tre laboratorë ku dy nga ta kishte të mbjellura bimë narkotike, ndërsa njëri kishte pajisje për përpunimin e tyre.
Sipas ministrit Sveçla 2.3 milionë euro ishte vlera e drogës dhe pajisjeve të sekuestruara në veri./teve1.info/
