Rreth 600 zyrtarë policorë nga komuniteti serb në komunat veriore u detyruan të largohen nga Policia e Kosovës, pas presionit të Beogradit.
E për zëvendësimin e tyre, Policia hapi konkursin e dytë, ku sipas drejtorit të përgjithshëm kanë aplikuar një numër i mjaftueshëm.
“Ka përfunduar (konkursi për policë) dhe kanë aplikuar numër i mjaftueshëm”, ka bërë të ditur drejtori i Përgjithshëm i Policisë së Kosovës, Gazmend Hoxha.
Televizioni ka tentuar të marrë përgjigje nga ky institucion se sa është numri i personave që kanë aplikuar, por që nuk ka marrë përgjigje.
E njëri nga ish-drejtorët e Policisë së Kosovë thotë se është skeptik se mund të përmbushet numri i nevojshëm me këtë konkurs, për shkak edhe të presionit që iu bëhet serbëve lokalë atje.
Sipas tij, nuk duhet që institucionet kosovare të arrijnë një marrëveshje politike për rikthimin e serbëve të dorëhequr në pozitat e tyre.
Por, ndryshe mendon njohësi i çështjeve politike, Visar Xani.
Ai vlerëson se me një marrëveshje të tillë politike, do të duhej rikthyer gjithë serbët e dorëhequr e jo të ketë selektime.Aktualisht, në stacionet policore në katër komunat veriore janë vendosur policët nga të gjitha rajonet e Kosovës.
Kronika e realizuar nga gazetari Lindrit Zejnullahu
