Rrugët në lagjen “Arbëria” janë liruar për qarkullim, pasi që ishin mbyllur si shkak i rrëzimit të kulmit të objektit të Komunës së Re.
Ndërkohë, është i ndaluar rreptësisht parkimi i veturave në parkingun e këtij objekti dhe përreth tij.
Në një njoftim për media është bërë e ditur se aktualisht po punohet në kulmin e këtij objekti.
“Të nderuar qytetarë, Rrugët ‘Radovan Zagoviq’ dhe ‘Nora e Hotit’ në lagjen ‘Arbëria’ janë hapur për qarkullim, por ndalohet rreptësisht parkimi i veturave në parkingun e objektit të Kryeqytetit dhe rreth saj. Aktualisht është duke u intervenuar në kulmin e këtij objekti”, njoftoi Komuna në Facebook.
Si pasojë e prishjes së kulmit, ka mbetur e lënduar rëndë një 23-vjeçare, e cila është duke marrë tretman mjekësor./teve1.info/
