Dera e kullës së familjes Jashari në Prekaz, u hap për pritje herët të enjten.
Në pragun e shtëpisë, mysafirët që do të vinë për Epopenë e UÇK-së i priste djali i komandantit Adem Jasharit, Lulzimi dhe djali i Hamzës, Bekimi.
E brenda kullës, me dorë në zemer e buzëqeshje në fytyrë i priste dhe i përcjellte mysafirët, më i moshuari i familjes, Rifat Jashari.
Ndër të parët që erdhën këtu ishin dy krerët e shtetit, kryeministri, Albin Kurti dhe kryekuvendari, Glauk Konjufca.
Me një pyetje Jashari iu drejtua ministrit të punëve të brendshme, Xhelal Svecla.
Menjëherë pas tyre, në dyert e kullës së Jasharëve erdhën kryesia e Lidhjes Demokratike e Kosovës.
Aty, kryetari i këtij subjekti, Lumir Abdixhiku përmendi sakrificën e familjes Jashari për të mbrojtur vendin.
Por familjen Jashari, e vizituan edhe delegacione jashtë Kosovës.
Njëra nga ta ishte edhe kryetarja e Komunës së Preshevës, Ardita Sinani.
Vizitorë pati edhe nga Republika e Maqedonisë së Veriut.
Gjatë së enjtes, në kullën e Jasharëve u priten edhe qytetarë të thjeshtë.
