Një shtetas kanadez që ndodhej në bordin e anijes turistike MV Hondius, e cila u përfshi nga një shpërthim i hantavirusit gjatë muajit prill, ka rezultuar pozitiv me virusin.
Sipas zyrtarëve, personi është një nga katër individët që po qëndrojnë në izolim në Vancouver Island, pasi u kthyen nga udhëtimi me anijen turistike, ai kishte shfaqur simptoma të lehta të sëmundjes, raporton BBC.
Autoritetet kanë theksuar se katër personat nuk kanë pasur kontakte me publikun që nga momenti i mbërritjes së tyre në Kanada.
Me këtë rast, numri total i të infektuarve nga shpërthimi në bordin e anijes ka shkuar në 11, ndërsa të gjithë janë pasagjerë të anijes turistike MV Hondius.
