Kryetari i Partisë Demokratike të Kosovës, Memli Krasniqi, ka thënë se Qeveria e Unitetit e propozuar nga Lidhja Demokratike e Kosovës është e vështirë të jetësohet, por sipas tij zgjidhja do të ishte formimi i qeverisë së opozitës.
Ai madje ka garantuar se nëse LDK-ja do ta pranonte propozimin e tyre, ai personalisht do t’i siguronte 10 votat nga partitë e minoriteteve pa përfshirë Listën Serbe.
Krasniqit, të dielën i është përgjigjur zëvendëskryeministrja në detyrë, Emilia Rexhepi, duke thënë se nuk do votonte dhe përkrahte një qeveri të opozitës, as me plotësim të kushteve.
“Nuk besoj, jo”, është shprehur shkurtimisht para fillimit të seancës konstituive, Rexhepi.
