Transferimi i mesfushorit Elvis Rexhbeçaj te skuadra e Wolfsburgut, tashmë është vetëm një formalitet.
Mediumet gjermane, kanë raportuar të martën se Rexhbeçaj ka përfunduar tashmë me sukses vizitat mjekësore dhe ka mbetur vetëm ta nënshkruajë kontratën dhe të prezantohet.
28-vjeçari do të firmos kontratë deri në verën e vitit 2030 me Wolfsburgun, ekip që nuk do të paguajë tarifë për transferimin e tij.
Rexhbeçaj do ti bashkohet ish-ekipit të tij si lojtar i lirë pasi në fund të sezonit aktual i skadon kontratë me Augsburgun, skuadër për të cilën luajti prej vitit 2022.
Në garë për shërbimet e Rexhbeçajt ishin edhe Union Berlini, Borussia Monchengladbachu e Werder Bremeni por mesfushori i Kosovës preferoi të rikthehet te Wolfsburgu.
Në sezonin aktual, Rexhbeçaj ka shënuar 2 gola në 26 paraqitje në Bundesligën e Gjermanisë.
