Arbër Rexhaj nga Lëvizja Vetëvendosje ka deklaruar se brenda Lidhjes Demokratike të Kosovës (LDK) nuk ka pasur mbështetje të mjaftueshme për Vjosa Osmanin që të ishte kandidate e kësaj partie për presidente.
Në emisionin “Mesditë” në Tëvë1, Rexhaj ka kritikuar paraqitjen e kryetarit të LDK-së, Lumir Abdixhiku, duke e cilësuar atë si “humor me qytetarët”.
“Abdixhiku doli dhe bëri humor me të gjithë qytetarët e Republikës së Kosovës, sepse nuk e kishte as emrin e vendosur, as ato 15 nënshkrime të plota. Mendoj se ata që merren me politikë e dinë që brenda LDK-së nuk kanë ekzistuar vota për Vjosa Osmanin. Nëse pyesni deputetë të caktuar brenda LDK-së nëse kanë pasur votë për Osmanin, përgjigjja do të jetë jo, ose do të shmangin përgjigjen,” ka thënë Rexhaj.
Sipas tij, situata brenda LDK-së lidhur me këtë çështje nuk ka ndryshuar.
