Mesfusha e Interit mund të pësojë një trazirë të vërtetë gjatë merkatos së verës.
Për momentin, vetëm Nikolo Barela, Hakan Çalhanoglu dhe Piotr Zielinski duket se i kanë vendet e siguruara. Atyre do t’u bashkohet edhe talenti Petar Suçiç, i blerë nga Dinamo Zagreb .
Pjesa tjetër e ekipit nisur nga Henrikh Mkhitarian, Davide Fratessi dhe Kristjan Asllani janë gati të largohen. Veterani armen është një figurë kyçe për Simone Inzagin, por ai e ka bërë të qartë se së shpejti mund t’i varë këpucët në gozhdë.
Fratessi e pati të vështirë ta përtypte pak hapësirë që iu dha dhe në janar po përpiqej të ndryshonte atmosferë (me Romën dhe Napolin në vijë), vetëm për t’u bërë më pas heroi i Evropës me gola vendimtarë.
Asllani është nën vëzhgim, klubi priste rritje të ndjeshme nga mesfushori i Kombëtares kuqezi, veçanërisht për sa i përket personalitetit. Transferimi i tij është në ajër, ndoshta në formë huazimi ose si pjesë e një shkëmbimi.
