Milan-Napoli prodhoi vetëm një gol dhe shumë polemika. Kuqezinjtë e Stefano Piolit fituan 1-0 çerekfinalen e parë të Champions League.
Gjithsesi, një javë më vonë dy skuadrat i pret një tjetër duel i zjarrtë, këtë radhë në “Diego Maradona”.
Eljif Elmas, i cili në “San Siro” u zgjodh nga Spalletti si një numër 9-sh fals, ka shpërthyer ndaj arbitrit kryesor: rumunit Istvan Kovacs.
“Nuk di çfarë të them për arbitrimin e kësaj ndeshjeje, është e pabesueshme ajo çfarë ndodhi. Arbitri i ndëshkoi me karton të gjithë lojtarët e Napolit.
Milanistët kryenin të njëjtat faulle, por askush nuk i ndëshkonte… Nuk kam parë kurrë më parë një gjykim të tillë. Ky është një nga shkaqet pse u nervozuam aq shumë”, deklaroi Elmas.
