Departamenti i Shtetit i Shteteve të Bashkuara ka lëshuar një paralajmërim për qytetarët amerikanë në mbarë botën, veçanërisht në Lindjen e Mesme, duke u bërë thirrje të tregojnë kujdes të shtuar për shkak të përkeqësimit të situatës së sigurisë.
Paralajmërimi vjen në një kohë kur përplasjet SHBA-Izrael me Iranin, kanë hyrë në javën e katërt, me sulme të vazhdueshme dhe përshkallëzim të tensioneve në të gjithë rajonin.
Në një njoftim të publikuar në rrjetin social X, autoritetet amerikane theksuan rëndësinë e ndjekjes së udhëzimeve të sigurisë dhe alarmeve të lëshuara nga ambasadat dhe konsullatat më të afërta. Paralajmërimi është shpërndarë gjithashtu edhe nga ambasada amerikane në Prishtinë.
Sipas Departamentit të Shtetit, ekziston rreziku që grupe të lidhura me Iranin të ndërmarrin sulme ndaj interesave amerikane jashtë territorit të SHBA-së. Këto kërcënime mund të shtrihen në objekte dhe lokacione të lidhura me Shtetet e Bashkuara në pjesë të ndryshme të botës./teve1.info/
Worldwide Caution: The Department of State advises Americans worldwide, and especially in the Middle East, to exercise increased caution. Americans abroad should follow the guidance in security alerts issued by the nearest U.S. embassy or consulate. Periodic airspace closures… pic.twitter.com/mX0ULIEzLv
— TravelGov (@TravelGov) March 22, 2026
