Kandidati për deputet nga radhët e Partisë Demokratike të Kosovës, Leotrim Retkoceri, ka thënë se Qeveria Kurti i ka ditët numëruara në qeverisje.
Ai ka thënë se në qeverisjen e ardhshme të udhëhequr nga Bedri Hamza, do të ketë rritje të pagave për kategoritë e pensionistëve dhe atë në sektorin publik.
Ai në emisionin “Ditari” ka thënë se Hamza ka qenë i fundit që si ministër i Financave ka marrë vendim për dyshim të pagës në sektorin publik.
“Ishte pikërisht Bedri Hamza që ja doli ti rris paga dhe është e vetmja herë kur janë dyfishuar rritja e pagave dhe më nuk ka ndodhë asnjëherë as nga një qeveri përfshirë edhe këtë që po udhëheq dhe po numëron ditët e fundit të qeverisjes”, ka thënë Retkoceri.
Ai ka thënë se me qeverisjen e PDK-së do të rriten investimet e hapje të reja të punës.
Retkoceri ka thënë se me qeverisje e tyre do të kthehet besimi i partnerëve ndërkombëtar në Qeverinë e Kosovës.
“Partneriteti do të ketë vendin e tij dhe të kërkohet ndihmë nga partnerët për integrime evropiane”, ka thënë ai.
