Mbrëmë është zhvilluar ‘El Classico’ i femrave mes Barcelonës dhe Real Madridit, në një ndeshje të vlefshme për UEFA Champions League.
Skuadra nga Katalunia arriti fitore të thellë 5 me 2, duke siguruar gjysmëfinalen e madhe.
Në këtë takim mungoi futbollistja me prejardhje nga Kosova, Kosovare Asllani – e cila vuan nga një lëndim.
Rekordi më i madh në këtë ndeshje, ishte prania e tifozëve. Për herë të parë në historinë e futbollit të femrave mbushet stadiumi. Madje të pranishëm në ‘Camp Nou’ ishin mbi 91 mijë spektator.
Rekordin dikur e mbante ndeshja mes Shteteve të Bashkuara të Amerikës dhe Japonisë në fitoren 2 me 1 në Wembley të Londrës gjatë vitit 2012, ku SHBA-ja fitoi edhe medaljen e artë olimpike.
