Skuadra e kategorisë së dytë të Turqisë, Sivasspori e ka zyrtarizuar transferimin e sulmuesit shqiptar, Rey Manaj, të martën.
Manaj kthehet te Sivassspori pas aventurës që e kaloi te skuadra Al-Sharjah në Emiratet e Bashkuara Arabe.
Manaj pikërisht nga Sivasspori iu bashkua Al-Sharjahut verën e kaluar për 2 milionë euro dhe sulmuesi ka vendosur që sërish t’i bashkohet ekipit turk, me të cilin nënshkruar kontratë për tri vjet e gjysmë.
Manaj ishte pjesë e Sivassporit për dy sezone, periudhë kjo gjatë të cilës zhvilloi 63 ndeshje dhe kontribuoi me 34 gola dhe tetë asistime.
28-vjeçari me ekipin Al-Sharjah në pjesën e parë të këtij sezoni ka realizuar gjashtë gola në 21 paraqitje, ndërsa në të kaluarën ka luajtur edhe për skuadra si Watford, Inter, Cremonese, Albacete e AC Pisa.
Ndërkohë, me Kombëtaren e Shqipërisë, Manaj ka 10 gola të shënuar në 44 ndeshje të luajtura deri më tani.
