Një skandal i madh ka ndodhur te Kombëtarja e Ukrainës pas ndeshjes së parë në Kampionatin Evropian.
Ukraina është deklasuar nga Rumania, e cila e mposhti 3:0 të hënën në duelin e Grupit E. Humbja nga Rumania thuhet se ka shkaktuar një kaos të vërtetë në ekipin e Ukrainës pas përfundimit të ndeshjes.
Portieri Andriy Lunin dhe mbrojtësi Aleksandr Zinchenko e kanë larguar trajnerin Serhiy Rebrov nga zhveshtorja dhe kanë pasur një debat të ashpër me bashkëlojtarët e tyre.
Si Lunin ashtu edhe Zinchenko kanë kërkuar nga lojtarët tjerë përgjegjësi më të madhe në fushë, ndërsa trajneri Rebrov nuk e ka marrë përgjegjësinë për humbjen nga Rumania. Ai pas ndeshjes ka fajësuar futbollistët e tij për këtë humbje të thellë.
Rebrov ka thënë se pret që secili futbollist të kërkoj falje për paraqitjen e tij dhe të reflektojë në ndeshjen kundër Sllovakisë.
