Klubi mbretëror, Real Madridi thuhet se po planifikon një transferim të madh pas fushatës së tyre në Kupën e Botës për Klube.
Presidenti i Real Madridit, Florentino Perez është gati të shpenzojë mbi 100 milionë euro për të forcuar skuadrën nën drejtimin e Xabi Alonsos.
Objektivi është Enzo Fernandez, mesfushori i Chelseat dhe fituesi i Kupës së Botës me Argjentinën.
Ai ishte një nga lojtarët më të kërkuar në treg vitin e kaluar dhe ende ka vlerë të lartë në Stamford Bridge.
Sipas Fichajes, plani është të sjellë një lider të ri për mesfushën, me Luka Modricin që është pranë daljes në pension. Enzo shihet si profili ideal për të marrë drejtimin e ekipit.
Chelsea nuk ka gjasa të pranojë më pak se klauzola e tij e lirimit. Real Madridi mund të përfshijë lojtarë si Arda Guler, Rodrygo ose Endrick për të arritur një marrëveshje.
