Real Madridi është futur fuqishëm në garë për shërbimet e sulmuesit të krahut, Samuel Chukwueze. “Marca” raporton të martën se Reali tashmë ka nisur negociatat me Villarrealin për lirimin e 24-vjeçarit gjatë kësaj vere.
Mësohet se Reali ka ofruar 50 milionë euro për nigerianin, duke pasur parasysh se ai ka kontratë me Villarrealin deri në vitin e ardhshëm. Chukwueze në edicionin e fundit ishte ndër lojtarët më të vlerësuar në rolin e tij në La Liga, ndërsa është pjesë e ekipit të parë të Villarrealit prej vitit 2018.
Në 50 ndeshje të luajtura në të gjitha garat, Chukwueze pati 13 gola e 11 asistime. Krahas Real Madridit, interesim për Chukwuezen kanë shprehur edhe ekipet nga Anglia.
