Real Madridi papritmas ka shprehur interesim për shërbimet e mesfushorit Ardon Jashari, ka raportuar të martën “Defensa Central”.
Në fakt, mësohet se bordi i Realit ka zhvilluar diskutime të brendshme në lidhje me transferimin eventual të 23-vjeçarit, i cili është pjesë e Club Brugget.
Jashari mund të largohet këtë verë nga Brugge, por ekipi belg po kërkon 40 milionë euro për çmimin e tij.
Trajneri i Real Madridit, Xabi Alonso është në kërkim të një mesfushori dhe emri i Jasharit doli në mënyrën të natyrshme në diskutimet e bordit madrilen.
Tani për tani, Reali nuk ka interesim të fortë për Jasharin por nuk përjashtohet mundësia që të bëjë ofertë zyrtare për shërbimet e tij.
Mbetet të shihet nëse Reali do të bëjë ndonjë lëvizje për Jasharin apo vetëm do ta monitorojë situatën e tij, pasi mesfushori po dëshiron ti bashkohet Milanit.
Milani ka ofruar 38 milionë euro në total për Jasharin, por Brugge po insiston në tarifën që tashmë ia ka caktuar.
Jashari është pjesë e Brugget prej vitit të shkuar dhe me ekipin belg ka kontratë deri në verën e vitit 2029.
