Raundi i pestë i Ligës së Kampionëve, do të vazhdoj edhe sot me nëntë ndeshjet tjera që do të zhvillohen në dy orare të ndryshme.
Megjithatë, derbi i mbrëmjes do të luhet në stadiumin “Anfield Road” ku skuadra e Liverpoolit përballet me Real Madridit, ndeshje kjo që nis prej orës 21:00.
Liverpooli është ekipi i vetëm me bilanc maksimal pas katër xhirove të para në Champions, ku asnjë prej 35 skuadrave tjera nuk kishte vetëm fitore në katër xhiro, përfshirë edhe kampionin në fuqi, Real Madridin.
Real Madridi ka dy fitore e dy humbje dhe është në mesin e tabelës me gjashtë pike dhe do të ketë mungesa të rëndësishme përball liderit të Premier Leagues.
Prej orës 21:00, Juventusin e pret ndeshje e vështirë në udhëtim tek Aston Villa, ekip që ka tubuar nëntë pikë, dy më shumë se italianët.
Po ashtu, në këtë orar do të përballen edhe Bologna – Lille, Celtic – Club Brugge, Dinamo Zagreb – Dortmund, Monaco – Benfica e PSV Eindhoven – Shakhtar Donetsk.
Ndërkohë, Cërvena Zvezda – Stuttgart dhe Sturm Graz – Girona, janë ndeshjet që do të startojnë në ora 18:45.
