Talentët tërheqin gjithnjë vëmendjen e klubeve të mëdha europiane. I tillë është edhe rasti i Jeremie Frimpong, lojtarit të Bayer Leverkusen. Mbrojtësi i djathtë ka rënë në gjurmët e Real Madrid me madrilenët që në sezonet e fundit janë të “fiksuar” me rinovimin e organikës.
Aktualisht, Los Blancos posedojnë disa nga të rinjtë më të mirë në qarkullim si Valverde, Rodrygo e Vincius Junior. Por, nga sezoni i ardhshëm emrave të sipërpërmendur mund t’i shtohet edhe Frimpong. Holandezi në këtë sezon me Leverkusen është aktivizuar në 11 ndeshje ndërsa ka gjetur rrugën e rrjetës në pesë raste.
Statistika që kanë bërë për vete Realin që po studion kontratën e 21-vjeçarit e cila përfundon në vitin 2025. Megjithatë, “Galaktikët” nuk janë të vetmit të interesuar për Frimpong teksa edhe Barcelona pretendon shërbimet e mbrojtësit dhe prej disa kohësh ka nisur sondazhet në lidhje me lojtarin e “aspirinave”.
