Sipas FMN-së, rritja ekonomike gjatë vitit 2022 në nivel global pritet të jetë 2,7 për qind, derisa kriza ekonomike do të vërehet edhe vitin e ardhshëm.
Mustafa ka thënë se zhvillimi,të cilin sipas tij Kurti po e quan të pashembullt,do të mbetet vetëm në letrat e Qeverisë.
‘“Zhvillimi i pashembullt ekonomik” nuk po mund të dalë nga letrat propaganduese të Qeverisë e të takojë realitetin e xhepit të qytetarëve. Atje, në realitetin e ftohtë të përditshëm ku takohet kuleta e qytetarit me çmimet gjithnjë në rritje të bukës, vajit, miellit, vezëve, derivateve, energjisë elektrike dhe çdo gjëje tjetër, dëmet e dështimit të pashembullt ekonomik janë të thella”, ka shkruar Mustafa.
Sipas Mustafës, ditë më parë edhe Banka Botërore deklaroi se rritja ekonomike do të jetë 3,1 për qind në Kosovë.
“Si për inat të Qeverisë së padijshme, pak ditë më parë Banka Botërore deklaroi se parashikonin një rritje reale të ekonomisë kosovare për vetëm 3,1% për sivjet. Sot, Fondi Monetar Ndërkombëtar kumtoi lajmin edhe më të keq, rritja reale pritet të jetë vetëm 2,7%! Sa e ultë do të jetë rritja reale e ekonomisë deri në fund të vitit? Varet edhe sa dëme e keqmenaxhime tjera do ja bëjë Qeveria ekonomisë këta dy muaj e gjysmë.
Të barabartë në varfëri është qëllimi i tyre. Dështimi i Pashembullt Ekonomik është trashëgimia e tyre”, ka shkruar Mustafa.
