Fillimisht Komisioni Qendror mori vendim për moscertifikimin e Listës Serbe për zgjedhjet e 9 shkurtit.
Por me një vendim të Panelit Zgjedhor për Ankesa dhe Parashtresa, kjo parti do garojë në zgjedhjet parlamentare.
E kjo duket se nuk po i pëlqen kundërshtarit të kësaj partie, ministrit për Komunitete dhe Kthim, Nenad Rashiq i cili thotë se do të përpiqet që Lista Serbe të ketë sa më pak deputetë.
“Ne deri më tani kemi mësuar se ata gjithmonë kanë qenë me një përkrahje të fuqishme nga Beogradi të cilët është absolutisht në kundërshtim të demokracisë, absolutisht në kundërshtim të pluralizmit pluralizimit dhe nuk e pres që ata mund t’a ndryshojnë një qasje ndaj nesh sepse është e vetmja mënyrë që ata e dijnë prandaj neve na mbetet ato mekanizma demokratike, institucionale”, tha Rashiq.
Udhëheqësi i Partisë Demokratike Progresive, foli edhe për draftstatutin e Asociacionit të Komunave me Shumicë Serbe.
Ai u shpreh për tëvë1, që nëse i kërkohet do të japë kontribut, mirëpo jo me dëshirën e tij.
“Nëse duhet që të jem pjesë e një aktiviteti strategjik, sikur që e keni thënë ju sikur që është drafti ashtu kasha pranuar, prapë po them pa qejf… Një prej takimeve të para kemi biseduar për një angazhim timin teknik brenda grupacionit ose brenda grupit teknik sa i përket dialogut, por për fat të keq ose të mirë, në këtë rast Beogradi nuk ka pranuar një propozim të tillë”, tha ai.
Politikani serb tha se në zgjedhjet e 9 shkurtit, ata duhet fituar votat e serbëve në Kosovë për shkak se vlerëson se mund t’i përfaqësojnë më mirë ata.
Lista Serbe, që konsiderohet favorite në mesin e komunitetit serb, në zgjedhjet e fundit nacionale u sfidua nga Nisma Qytetare për Liri, Drejtësi dhe Mbijetesë e udhëhequr nga Milan Dabiq e që mori mbështetje edhe nga Rashiq.
