Futbollisti i Kombëtares së Kosovës, Milot Rashica duket se është i destinuar për t’u kthyer në Bundesligën e Gjermanisë.
Gjatë kësaj vere, Rashica pritet të transferohet te skuadra e Borussia Monchengladbachut, me të cilën tashmë ka arritur marrëveshje.
Mësohet se Rashica ka pranuar ofertën e Gladbachut, ekip që po negocion me Beshiktashin për lirimin e tij.
Detajet e marrëveshjes mes Rashicës e Gladbachut nuk janë bërë të ditura, por thuhet se klubi turk po kërkon të pakën 10 milionë euro për kartonin e sulmuesit të krahut.
29-vjeçari nuk bën pjesë në planet e Beshiktashit dhe më herët ishte në negociata edhe me ekipin e Genoas nga Serie A.
Rashica në vitin 2023 iu bashkua Beshiktashit dhe ka kontratë deri në vitin 2027, ndërsa sezonin e fundit, shënoi 5 gola dhe asistoi 12 herë në të gjitha garat.
29-vjeçari e njeh mirë kampionatin gjerman pasi për tri sezone ishte pjesë e Werder Bremenit kurse karrierë ka bërë edhe te Vitesse, Norwich City e Galatasaray.
