Ekipi i Superligës së Skocisë, Rangers do të bëjë edhe një tentim të fundit për sulmuesin e Kosovës, Albion Rrahmani.
Mësohet se Rangersi do të mundohet ta bind Rapid Bukureshtin për ta liruar Rrahmanin këtë muaj, përkundër faktit që ekipi nga Rumania insiston se 23-vjeçari nuk do të shitet.
Në fakt, Rangersi po mbledh fonde për të bërë një ofertë të kënaqshme për Rapidin, ekip me të cilin Rrahmani ka kontratë deri në vitin 2026.
Rangersi tashmë ka nxjerr në shitje sulmuesin Cyriel Dessers dhe me paratë nga shitja e tij po shpresojnë ta transferojnë Rrahmanin.
Për Rrahmanin, Rapidi po kërkon 6 milionë euro si dhe mbajtjen e 20% të kartonit të tij, ofertë kjo që po përgatitet nga Rangersi.
Rrahmani po shihet si përforcim i duhur te Rangersi, duke pasur parasysh formën e tij të mirë që e shfaqi sezonin e shkuar në Rumani, ku realizoi 17 gola. Këtë sezon, Rrahmani ka 1 gol e 1 asistim në dy paraqitje në Superligën rumune.
Ai është pjesë e Rapidit prej verës së shkuar kur iu bashkua nga Ballkani për 600 mijë euro.
