Nesër në Maqedoninë e Veriut zhvillohen zgjedhjet lokale, të cilat për shqiptarët kanë rëndësi të veçantë, pasi do të përcaktojnë drejtimin politik në komunat ku ky komunitet ka ndikim të madh.
Kështu tha analisti nga Maqedonia e Veriut, Ardian Ramadani, i cili deklaroi se fushatat për këto zgjedhje shpesh karakterizohen nga tensione të forta.
“Në skenën politike shqiptare, fushatat zakonisht janë të ashpra. Ndodh që të ketë politarizime ekstreme. S’është hera e parë që ka ndodhur. Kjo është hera e tetë me zgjedhjet lokale që organizohen në Maqedoninë e Veriut. Kanë shkuar gjërat deri në atë masë sa që nuk është dashur të thuhen”, tha Ramadani në emisionin “Këndi i Debatit” në Tëvë1.
Ai theksoi se zgjedhjet e nesërme nuk janë thjesht lokale për komunitetin shqiptar, por të rëndësisë edhe më të madhe.
“Këto zgjedhje janë më shumë se zgjedhje lokale, sepse partitë që janë në opozitë shpesh i shohin si një përplasje ‘jetë a vdekje’. Në komunën e Çairit, beteja është mes Izet Mexhitit dhe Bujar Osmanit. Për shkak se njëri prej tyre do të fitojë zgjedhjet, ai që humb do të tërhiqet. Do të kemi fitues të qartë aty”, tha Ramadani. /teve1.info/
