Futbollistët Ylber Ramadani e Rey Manaj janë paraqitur të hënën në konferencën e Kombëtares së Shqipërisë, në prag të grumbullimit për ndeshjet e Ligës së Kombeve.
Manaj tha se synimi i Shqipërisë në Ligën e Kombeve është vendi i parë në grup dhe shtoi se do të jenë maksimalisht të përgatitur për t’i fituar të gjitha ndeshjet.
Shqipëria gjatë këtij grumbullimi do ti ketë katër ndeshje, ku do të përballet me Bjellorusinë, San Marinon dhe Finlandën në kuadër të Ligës C.
Sipas Manajt, të gjithë futbollistët janë të gatshëm të japin më të mirën nga vetja, në mënyrë që ti marrin pikët e plota.
Ndërkohë, Ramadani ka thënë se fokusi i Shqipërisë do të jetë ndeshja me Bjellorusinë, të cilën pret ta fitojnë.
Edhe Ramadani sikurse Manaj, ka pranuar se synimi i Shqipërisë në këtë edicion të Ligës së Kombeve, është ta fitojnë grupin.
