Në konferencën për media, pas takimit me Stotlenberg në Bruksel, Rama tha se e di që ka kufizime politike për çështjen e Kosovës, megjithatë sipas tij, pranimi i Kosovës është gjë e mençur.
“Pata shansin t’ua përsëris atë që e kam thënë edhe në Samit, nevojën për ta konsideruar përfshirjen e Kosovës në Partneritetin për Paqe, edhe pse e dimë se ka kufizime politike nga disa aleate dhe e dimë se është organizëm konsensual. Megjithatë, me kohët që jetojmë, në këndvështrimin tim, është e mençur që kjo të konsiderohet”, tha Rama.
Ndërkaq, Rama ka thënë se Shqipëria, si vend aleate e NATO-s, do të luajë rolin e saj për paqe rajonale. /teve1.info/
