I pari i kryeqytetit, Perparim Rama, ka bërë të ditur se në këtë vit do të fillojë ndërtimi i Spitalit të Prishtinës.
Rama ka njoftuar se sot është bërë prezantimi i planit të detajuar për spitalin, raporton teve1.info.
Rama, përmes një postimi në Facebook ka bërë të ditur se për këtë spital janë ndarë parcela në “Prishtinën e Re”, me buxhet prej 1.3 milionë euro, si dhe ka thënë se do ketë rreth 200 shtretër, me departamente të Kirurgjisë, Internistikës, Gjinekologjisë dhe Pediatrisë.
“Faleminderit partnerëve tanë nga ICME, për punën fantastike në krijimin e një objekti të denjë që do të plotësojë të gjitha kushtet e qytetarëve të Prishtinës”, thuhet në njoftim.
