Kryetari i Prishtinës, Përparim Rama ka bërë të ditur se së shpejti, do të nisin punimet për hidroizolim e termoizolim, në Pallatin e Rinisë.
Rama ka thënë se kjo do të bëhet falë marrëveshjes për bashkëfinancimin e këtij projekti me Ministrinë e Zhvillimit Rajonal.
Po ashtu, ai tha se do të bëhet edhe rregullimi i xhamave të këtij objekti.
“Së shpejti nisin punimet për hidroizolimin, termoizolimin e po ashtu edhe rregullimin e xhamave në Pallati i Rinisë. Kjo do të bëhet falë marrëveshjes për bashkëfinancimin e këtij projekti transformues për Pallati i Rinisë, të cilin sot e nënshkruam bashkë me Ministrin e Ministrisë së Zhvillimit Rajonal, z.Fikrim Damka”, ka shkruar Rama në Facebook. /teve1.info/
