Në një postim në Facebook, Rama ka bërë të ditur se Zelensky e ka falënderuar për gjithçka që Shqipëria po bën për popullin e tij, shkruan Teve1.info.
“Sot pata një telefonatë nga Presidenti Zelensky, i cili më falenderoi për gjithçka Shqipëria po bën në këto ditë tragjike për popullin e tij, për Europën e për mbarë botën, duke nisur nga roli ynë si bashkëpenëmbajtës me SHBA në Këshillin e Sigurimit, tek ndihmat e dhëna për ushtrinë ukrainase, si edhe angazhimi intensiv në kanalet diplomatike me partnerë të rëndësishëm, në mbështetje të Ukrainës”, ka shkruar Rama.
Teksa ka publikuar edhe një videomesazh të bisedës, Rama ka thënë se i ka shprehur presidentit ukrainas të gjithë solidaritetin e popullit shqiptar në Shqipërië e Kosovë.
“I shpreha presidentit ukrainas të gjithë admirimin dhe solidaritetin e popullit shqiptar në Shqipëri e në Kosovë, me të dhe rezistencën ukrainase, si edhe vullnetin e plotë për të bërë gjithçka mundemi në përmasën tonë të vogël, që Ukraina të triumfojë në luftën e saj liridashëse”, ka shkruar Rama në Facebook. /Teve1.info/
