Rama para Këshillit të Evropës tha se raporti i Dik Marty-t i nxjerrë nga prokurorja Karla Del Ponte, përmendte me emër drejtues të lartë të UÇK-së dhe i akuzonte për krime gjatë luftës.
“Ndërkohë që raporti nuk prodhoi as atëherë e as në kohët më pas fakte. Dhe megjithëse pa asnjë provë, ai raport u miratua në këtë asamble. Jo pse ne e zbuluam sot se ky ishte lajmi më i tmerrshëm i rreme i shpërndarë përmes duarve të KE-së por se pritëm me durim derisa e pamë nëse ka akuzë zyrtare kështu që shpresoj ta kuptoni seriozitetin e gjithë kësaj”, tha Rama ndër të tjera.
Rama ta se vet vendi ku pretendohet se bëhej trafikim me organe tregon se nuk ishte vendi i duhur kaq i sofistikuar për të hequr organe, vend pa ujë, pa rrymë e pa rrugë e lëre më, siç tha Rama, pa pajisje të specializuara.
“Fshatarët u pyetën e u përgjigjën se asnjëherë jo vetëm se nuk kishin parë por as dëgjuar të tilla gjëra”, tha Rama.
“Lidhur me këtë imagjinatë e quan në arrestim presidentin Hashim Thaçi, pa asnjë aktakuzë zyrtare”,tha Rama para asamblesë së Përgjithshme të Këshillit Evropian.
Rama tha se pas gjithë angazhimit ndërkombëtar për të mbrojtur Kosovën dhe që i ndihmuan për t’u çliruar, busulla u humb kur u shty përpara raporti i Konstantin Kosacev, nga Këshilli i Evropës.
“Zonja dhe zotërinj, ka kombe në historinë e botës që jetojnë gjatë gjithë jetës së tyre që jetojnë me guxim duke e mbrojtur lirinë e tyre nga dhuna, gënjeshtrat dhe hipokrizia e një bashkësie ndërkombëtare që qëndron me një anë dhe bën sehir derisa ata torturohen deri në nënshtrim.
Ata shpresojnë të rezistojnë për aq kohë sa munden dhe sa bota të gjej ndërgjegje. Ky është rasti i kombit të Ukrainës tani dhe ishte rasti i Kosovës dekada më parë. Nuk ka dyshim që të gjithë e keni vënë re se sa i zellshëm është presidenti aktual i Kremnilit për të tërhequr paralele ndaj Krimesë dhe Kosovës”, ka shtuar Edi Rama.“S’është aspak një përpjekje e pamend edhe pse provat nuk e mbështesin në asnjë mënyrë këtë spekulim. Ska asnjë paralele ndërmjet Kosovës dhe Krimesë, por ka ndërmjet Ukrainës dhe Kosovës.
A nuk do të ishte një mrekulli që ju këtu të nisnit t’iu mësonit të shqiptojnë dhe ta shkruajnë me emrin e vërtetë të saj, Kosova, Republika e Kosovës dhe jo “Kosovo”. Kurrë nuk është vonë për të bërë gjen e duhur. Për t’iu kthyer analogjive. Mes carit që ulet në fronin e Kremlinit të ditëve tona dhe kasapit që mbante pozicionin e komandantit të përgjithshëm të Serbisë gjatë luftës në Kosovë”, ka thënë Edi Rama.
