Kryeministri i Shqipërisë, Edi Rama ka reaguas pas takimit të djeshëm të kryenegociatorëve të Kosovës dhe Serbisë nën ndërmjetësimin e emisarit special për dialogun, Miroslav Lajçak.
Rama ka shkruar se Bashkimi Evropian duhet të veprojë me vendosmëri për të siguruar një zbatim të shpejtë të Marrëveshjes Themelore. Ai ka shtuar se nuk duhet të lejohet që Kosova Veriore të bëhet një Donbas i vogël.
“BE-ja duhet të veprojë me vendosmëri për të siguruar një zbatim të shpejtë të Marrëveshjes Themelore. Rajoni ynë nuk mund të bëhet peng i një krize të pafund mes Kosovës dhe Serbisë. Nuk mund të lejojmë që as Kosova Veriore, ku kufiri mes krimit të organizuar dhe politikës vendore është i paqartë, të bëhet një Donbas i vogël nga një ngritje e ushqyer nga Rusia dhe as Dialogu të bëhet një lojë fajësimi e Ballkanit të Vjetër, nga mungesa e një vullneti real dhe të fortë të palëve të përfshira në të! Diskutimet janë të mira, por ajo që i nevojitet rajonit është një përparim para se të jetë tepër vonë”, ka shkruar Rama.
