Rama gjithashtu ka thënë se nuk e zë askush vendin e Kosovës në Ballkanin e Hapur. Teksa kjo deklaratë nga Rama erdhi për mediet nga Ohri i Maqedonisë së Veriut.
“Kosova është sovrane dhe i merr vendimet vetë për veten e vetë. Vendi për Kosovën në Ballkanin e Hapur është aty. Askush nuk e zë, askush nuk e mbush dot nëse nuk e mbush vetë Kosova. Nuk dua të them asgjë më shumë sepse çfarë kam pasur për t’i thënë i kam thënë. Ftesa është gjithmonë e hapur, por respektoj plotësisht vendimin e autoriteteve të Kosovës për të lënë vendin bosh”, tha kreu i qeverisë.
Ndërsa, sa i përket çështjes për mos hapjen e negociatave, Rama u shpreh se është fakt që Bashkimi Evropian e ka zvarritur këtë proces.
“Nuk është akuzë. Është fakt që Bashkimi Evropian na ka zvarritur, që BE-ja jep fjalën dhe nuk e mban në raport me procesin e integrimit, këtë unë jam i fundit që e them sepse e kanë thënë vetë përfaqësuesit e vetë Bashkimit Europian”, deklaroi Rama./Euronews
