Lideri rusi po ashtu akuzoi “nacionalistët ukrainas” për dislokimin e armëve të rënda në zonat e banuara në qytetet e mëdha, pasi sipas tij, me këto veprime ata po provokojnë ushtrinë ruse, një pretendim që rrit frikën se Moska po krijon pretekste për të justifikuar viktimat në mesin e civilëve.
“Duket se do të jetë më e lehtë për ne që të merremi vesh me ju sesa me këtë bandë narkomanësh dhe neo-nazistësh”, tha Putin duke iu referuar udhëheqjes në Kiev, që drejtohet nga presidenti Volodymyr Zelenskiy, i cili është hebre.
Putin, që të enjten urdhëroi trupat e tij të nisnin një operacion ndaj Ukrainës, pretendoi se “nacionalistët ukrainas” po përgatiten që të dislokojnë shumë raketahedhës në zonat e banuara të qyteteve ukrainase, përfshirë Kievin dhe Karkivin.
