Kryeministri në detyrë Albin Kurti pas rezultatit të arritur në zgjedhjet e sotme parlamentare, ka thënë se kësaj radhe ka fituar populli dhe Republika.
Para simpatizantëve në Prishtinë, bashkë me anëtarë të tjerë të LVV-së dhe parterët e koalicionit, ai ka thënë se vizioni i tyre dhe punët e mira mundësuan fitoren.
“Kësaj radhe ka fituar populli dhe Republika. Ajo çfarë e bëri të mundshme fitoren është vizioni jonë dhe punët e mira”, tha Kurti.
Ai ka falënderuar qytetarët për besimin dhe gjithë aktivistët e kësaj partie siç ka thënë ai për punën e palodhshme.
Në konferencën e mbajtur për media në selinë e partisë, Kurti tha se janë rrugës për ta tejkaluar rezultatin e 14 shkurtit të vitit 2021.
Ai tha se fitorja e tyre më 28 dhjetor është më e madhja në vend, ndërsa i bëri thirrje opozitës për bashkëpunim në Kuvend.
