Kryesuesi i Komisionit Qendror të Zgjedhjeve, Kreshnik Radoniqi, priti në takim ambasadoren e Kanadasë në Kosovë, Jessica Blitt, ku u diskutua për aktivitetet aktuale të KQZ-së dhe përgatitjet për procesesin e ardhshëm zgjedhor.
Në njoftim thuhet se, gjatë takimit, Radoniqi e informoi ambasadoren Blitt mbi hapat që KQZ-ja ka ndërmarrë për organizimin e zgjedhjeve të parakohshme për Kuvendin e Republikës së Kosovës, të planifikuara për 28 dhjetor 2025.
Ai gjithashtu foli për përmbylljen e procesit të Zgjedhjeve Lokale 2025, përfshirë raundin e dytë të zgjedhjeve për kryetarë të 18 komunave.
Ambasadorja Blitt uroi KQZ-në për punën dhe përkushtimin në realizimin e proceseve zgjedhore dhe shprehu mbështetjen e Kanadasë për zhvillimin e zgjedhjeve në Kosovë./teve1.info/
