Pas tri vjet në krye të listës vjetore të Njësisë së Inteligjencës Ekonomike (EIU), kryeqyteti austriak është mposhtur nga Kopenhaga.
Kryeqyteti danez ka marrë vendin e parë në qytetet më të mirë për jetë në botë për 2025.
Dhjetë qytetet më të mira për vitin 2025:
Kopenhagë, Danimarkë
Vjenë, Austri
Cyrih, Zvicër
Melburn, Australi
Gjenevë, Zvicër
Sidnei, Australi
Osakë, Japoni
Okland, Zelanda e Re
Adelaide, Australi
Vankuver, Kanada
EIU, një organizatë simotër e revistës The Economist, renditi 173 qytete në të gjithë botën bazuar në një sërë faktorësh, duke përfshirë shëndetin, arsimin, stabilitetin, infrastrukturën dhe mjedisin.
Kopenhaga triumfoi pasi mori rezultate “perfekte” për stabilitetin, arsimin dhe infrastrukturën, ndërsa Vjena ndau vendin e dytë me qytetin zviceran të Cyrihut.
Pse Vjena nuk është në vendin e parë këtë vit?
Ndërsa qyteti austriak performoi mirë në shumicën e kategorive, rezultati i tij i stabilitetit ra ndjeshëm, ndërsa Kopenhaga shënoi një rezultat të lartë në të gjitha seksionet. Rënia e ndjeshme e rezultateve të stabilitetit iu atribuua incidenteve të fundit në Vjenë, përfshirë një kërcënim me bombë në një koncert të Taylor Swift verën e kaluar, gjë që çoi në anulimin e ngjarjes.
“Cilësia globale e jetës mbeti e pandryshuar gjatë vitit të kaluar, dhe ashtu si në vitin 2024, rezultatet e stabilitetit ranë globalisht. Presioni mbi stabilitetin ka bërë që Vjena të humbasë pozicionin e saj si qyteti më i mirë për të jetuar pas tre vitesh”, tha Barsali Bhattacharyya, zëvendësdrejtor në EIU.
Damasku, Siri, vazhdoi të renditej si qyteti më pak i mirë për jetë në botë. Tripoli, Libi, u rendit pak sipër tij. Kryeqyteti i Bangladeshit, Daka, ishte i treti nga fundi, ndërsa Karaçi, Pakistan, dhe Algjeri, Algjeri, u renditën si qytetet e katërta dhe të pesta më pak të jetueshme.
