Një pamje e tillë është bërë krejt e zakonshme.
Automjetet përshkojnë këtë teren për muaj më radhë.
E me procesin e punimeve, larg duket përfundimi i autostradës “Prishtinë – Podujevë”.
Pritjet e qytetarëve rrugëve, vazhdojnë të jenë të gjata.
“Rrafsh katër orë kam prit pardje në kolonë për me shku në Prishtinë. Mu dufke me shku në 10, a në 14:00 shkova. Menzi e gjeta mjekun, nuk mujsha me shku ma shpejt”, thotë qytetari Sejdi Ahmeti
Punimet e ngadalta, telashe po shkaktojnë tek qytetarët.
“Kogja telashe, po vonohen kah një orë djemtë deri po vijnë prej pune”, shprehet Arif Ismaili – qytetar.
“Punimet pengojnë kah pak, normal. Por, duhet me bo sabër”, thotë Enver Fazliu- qytetar.
Problematike këto vonesa parashihen të jenë edhe për mërgimtarët që pritet të vijnë.
Sipas tyre, autostrada “Prishtinë – Podujevë” do duhej të ishte prioritet si projekt.
“Kjo ka qenë e nevojshme, jo autostrada për Shkup. S’jam kundër as ndërtimit të saj, por kjo është kryesorja. Pasi që së pakti në gusht, 500 mijë mërgimtarë vijnë, dhe sot për shembull duhet me prit në kolonë mbi 10 orë. Unë pardje kam ardhë, çfarë pluhuri, çfarë tmerri”, shpreht një tjetër qytetar.
Televizioni ka tentuar të marrë një qëndrim nga Ministria e Infrastrukturës për procesin e punimeve, por nuk ka marrë përgjigje.
