Qeveria në detyrë e Kosovës ka mbajtur një mbledhje elektronike, gjatë së cilës ka marrë dy vendime të rëndësishme, njofton Zyra e Kryeministrit.
Së pari, Qeveria ka vendosur të ndajë 10 mijë euro për promovimin e vendit, duke i dhënë mbështetje organizatës FLOSSK — Free Libre Open Source Software Kosova për edicionin e 10-të të Konferencës “Software Freedom Kosova (SFK)”, e cila do të mbahet më 24–26 tetor 2025 në Fakultetin e Inxhinierisë Elektrike dhe Kompjuterike në Prishtinë.
Në lidhje me këtë vendim, njoftimi i Zyrës së Kryeministrit thekson:
“Qeveria ka marrë vendim për të mbështetur organizatën FLOSSK me qëllim të promovimit të vendit dhe zhvillimit të teknologjisë së hapur në Kosovë.”
Gjithashtu, gjatë mbledhjes është miratuar Raporti nëntëmujor i Buxhetit të Republikës së Kosovës për vitin 2025, duke bërë të ditur gjendjen financiare të vendit dhe shpenzimet për periudhën janar-shtator.
